Në Shqipëri janë 611 kulte dhe sekte fetare. Përpos 5 komuniteteve fetare që janë të regjistruara në vendin tonë, 606 organizata të tjera po veprojnë pa ndonjë kontroll nga shteti.<br /><br />Televizioni Klan u interesua pranë Komunitetit Shtetëror për Kultet, të cilët thanë se nuk e kanë listën e të gjitha sekteve që veprojnë në Shqipëri. Ligji shqiptar parashikon që këto organizata të regjistrohen vetëm në gjykatë dhe më pas ato nuk kanë asnjë detyrim për të deklaruar aktivitetin e tyre te institucionet shtetërore.<br /><br />Dyshohet se këto sekte apo kulte mund të predikojnë praktika ekstreme apo duke orientuar besimtarët drejt sakrificave.<br /><br />Pikërisht një nga këto sekte dyshohet se ka kontaktuar me familjen Josifi në Kombinat, duke predikuar tek gratë procesin e ringjalljes. Pikërisht këto orientime ka bërë që Anisa Josifi të nisë rreth 2 vite më parë procesin e ringjalljes, duke hequr dorë nga ushqyerja.<br /><br />Të njëjtën linjë ndoqi edhe nëna e saj, Zhaneta dhe e motra Blerta. Deri tani e mbijetuara e tragjedisë në Kombinat, Blerta Josifi, nuk ka thënë asnjë emër të sektit që i ishin bashkuar, por është shprehur se e mbajtën trupin e motrës të vdekur brenda në banesë, për shkak të besimit dhe vegimeve që kishte për ringjalljen.<br /><br />Ka dyshime se mes kulteve që ndodhen në vendin tonë, ka edhe sekte që predikojnë ringjalljen, duke orientuar familjet ku futen, drejt vetëvrasja.<br /><br />Ndërkohë prokuroria ka marrë në dorë dosjen e ngjarjes horror në Kombinat. Pjesë e hetimeve pritet të jenë edhe grupet fetare si Dëshmitarët e Jehovait, apo Kisha Ungjillore, ku mendohet se kanë predikuar më parë gratë e familjes Josifi.<br /><br />Tv Klan<br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
